ملح وحـــــلــآ

في حضرتك كل الصبايا يغيبون
ودي تجين ولايجون الصبايا .
. دلوعتي فيها الحلا صار مكنون
نعوّمة ٍ فيها جميع المزايا .
. ثقل وعقل فيها وخفة على جنون
ربي عطاها من جميع السجايا .
. الى حكت ماودك الناس يحكون
والى سكتت ودك تجيب الحكايا .
. لو فيه منها بالبشر ربع مليون
ماكان شفنا زود ذنب وخطايا .
. من زينها كل البرايا يغارون
مالوم منها لو تغار البرايا .
. آيه ولامثلك من الناس بيكون
لانك مابين الناس للناس آيا .
. ملح وحلا تجمعت فيك وشلون
مادري ولكن زود حسنك دعايا .
. انتي ملاك ومن حواليك يبطون
ماياصلونك بالدلع والحلايا .
. كتبت فيك الشعر والشعر مضمون
جبته هدية عن جميع الهدايا .