خلني
بحالي وروح اذا ودك تروح
لاتشيل همي دام قلبك جفاني
بتغيب غيب يالغالي مسموح
ترى غيابك مايحرك كياني
صدقني متعود اذا ضقت مابوح
والله ماتفرق معي يا اناني
هذا انا من الله خلق فيني الروح
كل مانتهى جرح يجي جرح ثاني
شفني مع الضيقات واشلون مطروح
شفني وشوف اشسوى فيني زماني
دنياي صارت كلها جروح بجروح
اصلا انا مخلوق بس للاماني
الهم والصدمات والثالث النوح
جوني يزفون بحياتي التهاني
ماهي غريبه لوتخلين مجروح
وتشوفني قدام عينك اعاني
وماهي غريبه لو تصد عني وتروح
غيرك عطيته ماي عيني ونساني
بقولك شغله ومن بعدها روح
مومشكله لاخنت حبي وحناني
الموت كل الموت مع طلعت الروح
لا شفت محبوبك مع شخص ثاني ....
المصدر: منتديات حفرالباطن الثقافية